Jurickson Profar lo pèrdè algun dia atrobe

SURPRISE, ARIZONA – E ekipo di Texas Ranger a anunsiá ku Jurickson Profar lo no ta disponibel pa e próksimo tres pa sinku dianan. Esaki pa motibu ku e segunda base di Texas mester a bai saka su ‘verstandskies’ nan.

Jurickson ya a pèrdè algun dia di Spring Training pa motibu di un leshon na su skouder. Pa e motibu aki te ainda Profar no a hunga den tereno. Segun e asistente gerente general di e ekipo, Thad Levine, ainda tin tempu pa Jurickson hunga den tereno.

E manager di Texas Rangers, Ron Washington, ta di akuerdo ku e asistente gerente general bisando ku ainda tin sufisiente tempu pa Profar entrená den tereno. Washington ta kere ku si Profar haña e oportunidat di hunga sinku pa seis wega di ekshibishon den tereno lo ta sufisiente pa e ta kla pa e temporada 2014.