TAIWAN – E picher Kurasoleño, Shairon Martis a hasi su debut ku e ekipo di Uni-President 7-Eleven Lions. Meskos ku na otro partinan di mundu, e temporada regular di e Liga Profeshonal di Beisbòl Chines no a kuminsá ainda.
Den su debut Shairon a picha kontra e ekipo di Brother Elephants. E ekipo di Martis a sa di bai ariba den promé entrada ku skor di 1-0. Apesar di esaki e ekipo di Brother Elephants a sa di bin bek anotando un kareda den di tres entrada i otro den si sinku entrada pa gana ku skor di 2-1.
Shairon a picha sinku entrada kompleto permitiendo 6 hit for di kua un honron, ku dos ponche i niun base por bola. Tur dos kareda anotá pa e ekipo di Brother Elephants a bin riba kuenta di Sharion, ku tin un efektividat di 3.60.