SURPRISE, ARIZONA – Jurickson Profar ta progresando bon despues di e leshon ku e pelotero tabata tin na su skouder. E leshon na skouder a pone ku e ekipo di Texas Rangers a prohibí Jurickson di tantu tira komo bati.
Ya algun dia despues di e prohibishon Profar a haña permit bek pa kuminsá bati. Esaki a trese kuné ku mes ora ku e ekipo di Texas Rangers a kuminsá spring training, Profar tabata den e aliniashon komo batido designa.
Entre tantu for di siman pasa Jurickson a haña permit pa kuminsá tira bala atrobe. Ainda e pelotero no a figura na segunda base den un partido, pero segun manager Ron Washington tur kos ta bayendo segun plan.
E manager ta spera ku mas den mitar di luna e pelotero lo kuminsá hunga segunda base. Segun Washington, e pelotero ta hañando su turno nan na bate, tambe e pelotero ta praktikando den infield. Jurickson ta hasiendo e trabou nesesario, pues na momento ku su brasa ta den forma pa hunga un partido nos ta kuminsá pone den wega. Lo bo no ripara mes ku e pelotero a pèrdè algun dia, Washington a bisa.