ARLINGTON, TEXAS – Segun un entrevista hasi pa ESPN ku e èks-segunda base di Texas Rangers, Ian Kinsler, e pelotero no kier a liberá i yuda peloteronan hóben ku nan desaroyo den Liga Grandi.
Entre e peloteronan ku Kinsler no kier a yuda tin entre otro Jurickson Profar. Segun Kinsler a bisa, “e ekipo tabata ke pa mi liberá e peloteronan hóben, siña nan kon pa kompetí, kaminda mi úniko deber tabata pa preokupá ku kon mi prestashon den wega ta.”
Mas aleu, Kinsler a bisa ku e no tabata tin deseo pa move for di segunda base ya Profar por haña un chèns di hunga. “E hóben nan aki tin ku gana e trabou,” Kinsler a bisa. “Esei ta loke ami a hasi,” Kinsler a terminá bisando.
Na novèmber di aña pasa, e ekipo di Texas Rangers a kambia Ian Kinsler ku Detroit Tigers loke a habri porta pa Jurickson Profar na segunda base.