BEISBOL: Breve Deporte Awe #12

Resultado nan di Spring Training ayera:

Toronto Blue Jays a derota Philadelphia Phillies ku skor di 4-3

Pittsburgh Pirates a derota New York Yankees ku skor di 6-5

Detroit Tigers a derota Atlanta Braves ku skor di 6-5
Andrelton Simmons a hunga shortstop den e partido aki Andrelton a bai di 0-1 ku un base por bola

Oakland Athletics a derota San Francisco Giants ku skor di 10-5

Cincinnati Reds a derota Cleveland Indians ku skor di 8-3
Roger Bernadina a drenta e partido den di seis inning komo batido designa. Bernadina a konektá un hit den dos turno na bate i anotá un kareda

Arizona Diamondbacks a derota Los Angeles Dodgers ku skor di 4-1
Didi Gregorius a hunga shortstop den e partido aki i a konektá un hit den dos turno na bate

 

Partido nan di Spring Training pa awe:

Philadelphia Phillies kontra Toronto Blue Jays

Pittsburgh Pirates kontra New York Yankees

Atlanta Braves kontra Detroit Tigers

Milwaukee Brewers kontra Oakland Athletics

Texas Rangers kontra Kansas City Royals

San Diego Padres kontra Seattle Mariners

Arizona Diamondbacks kontra Chicago Cubs

Cleveland Indians kontra Cincinnati Reds

Arizona Diamondbacks kontra Los Angeles Dodgers

 

  • Pitcher veterano, Carl Pavano a anunsiá su retiro for di beisbòl despues di 14 temporada den Liga Grandi. Pavano di 38 aña tabata purbando na regresá den Liga Grandi despues ku temporada pasa e no a picha. Pa motibu di leshon e pitcher a pèrdè gran parti di e temporada 2012 tambe. Segun Pavano, e tin gana di siguí hunga i a traha hopi duru pa bin bek e temporada aki. Pero e ta sinti ku e tempu ku e la pèrdè rekuperando di su leshonnan ta evit’e di kompetí na su nivel mas altu, loke ta nesesario den Liga Grandi. Pavano den su karera di 14 aña a picha pa Montreal Expos, Miami Marlins, New York Yankees, Cleveland Indians i Minnesota Twins.

 

  • New York Mets a manda pitcher Jon Niese bek New York pa hasi un MRI na su skouder. Segun e manager di e ekipo, Terry Collins, esaki te ainda ta un medida di prekoushon. Pero kada bes bo manda un pelotero bai hasi un MRI bo ta keda preokupá te ora bo haña e resultado nan.

 

  • E manager di Los Angeles Angels of Anaheim a dune di konosé ku e outfielder Josh Hamilton lo pèrdè por lo ménos dos siman di Spring Training. Esaki despues ku Hamilton a leshoná su batata di pia koriendo base. Segun e manager, e ekipo ta hopi optimista ku Hamilton por rekuperá i regresá bek den forma pa komienso di temporada. Te ainda e pelotero tin ku kana ku krùk paso e no por pone peso riba su pia. E ekipo ta spera ku den par di dia esaki no ta nesesario mas, ya e pelotero por kuminsá tira i tene su brasa den forma.

 

  • Pitcher Hapones, Yu Darvish lo habri e promé wega di temporada regular pa Texas Rangers. Manager di e ekipo, Ron Washington a bisa Darvish personalmente ku e lo habri e partido di 31 di mart kontra Philadelphia Phillies. Segun Washington, e ke pa e notisia sak den e pitcher su kabes i tambe pa e pitcher prepará pa esaki.