TAIWAN – Shairon Martis a yega na un akuerdo pa hunga beisbòl na Taiwan. Shairon a tuma e desishon e siman aki pa bai hunga ku e ekipo di Uni-President 7-Eleven Lions na Taiwan. E pelotero tabata tin diferente oferta pa hunga beisbòl pafó di Merka i algun oferta di Liga Menor.
Shairon Martis a habri temporada 2013 ku ekipo di Rochester Red Wings den Tripel A. Aki nan Martis a mira akshon den 42 partido, kaminda e la parti tempu entre relevista i habridó. Shairon tabata tin un rèkert di 2 wega gana i 4 pèrdí den Tripel A, ku un efektividat di 4.26. Den sèptèmber a pelotero a keda yama pa subi Liga Grandi ku Minnesota Twins.
Ku Twins, Shairon a figura den 6 partido komo relevista i tabata tin un rèkert di 0 wega gana i 1 wega pèrdí ku un efektividat di 5.59.