NICARAGUA – Randall Simon ta yuda Gigantes de Rivas sali viktorioso den nan promé partido di playoff kontra di Tigres de Chinandega. Chinandega a bai ariba den kabes di promé ining ku skor di 1-0. E bentaha kai no a dura masha i Gigantes de Rivas ta bai ariba 2-1 den bòm di promé ining ku honron di dos kareda di Simon. Despues di esaki e ekipo di Rivas no a wak patras mas i a gana 5-1.
Randall ku a terminá e temporada regular ku un promedio di .299, 5 honron i 32 kareda empuha ta e posibel kandidato pa e premio di Silver Slugger na primera base.