Mexcio – Sharnol ‘Pachito’ Adriana a logra titulá kampion ku su ekipo di Los Diablos de la Bojórquez den e Liga di Beisbol Invernal Meridana. Banda di esaki Adriana a keda korona komo e hungadó mas balioso di e seri final.
Los Diablos de la Bojórquez a gana ku skor di 4-1 di e ekipo di Senadores de la Morelos. Den e partido aki Adriana a sòru pa tres di e kuater kareda nan di su ekipo, konektando dos honron den e partido. E promé honron tabata den di tres ining ku un koredó na base. Despues den di ocho ining Adriana añadí un kareda mas pa Los Diablos de la Bojórquez, konektando un honron solitario.