WILLEMSTAD – Despues di a duna di konosé ku tempu lo determiná si e ta keda Hapon of regresá bek Liga Grandi, Andruw Jones a bisa ku e ta interesá na regresá Hapon bek si e haña e oportunidat.
Algu mas ku un aña pasa Jones a firma un kontrakt di un aña ku e ekipo di Tohoku Rakuten Golden Eagles. Andruw a bati pa un promedio di .243 ku 26 honron i 94 kareda empuha. Tambe e la bira kampion di beisbòl profeshonal hapones ku Golden Eagles, ganando di Yomiuri Giants den e Seri di Hapon.