BALTIMORE, MD – E ekipo di Baltimore Orioles a anunsiá ku nan a firma dos hungadó ku un kontrakt di Liga Menor. Un di e hungadó nan aki ta Sharlon Schoop. Sharlon di 26 aña di edat ta ruman grandi di Jonathan Schoop ku tambe ta forma parti di e organisashon di Baltimore Orioles.
Pa motibu di leshon Sharlon a hunga ultimo biaha den e temporada 2012 ku e afiliashon den dòbel A di Kansas City Royals. Den e 50 wega nan ku Schoop a hunga den 2012 ku Arkansas Naturals, e la bati pa un promedio di .267 ku un porsentahe di yega base di .341. Defensiva mente Sharlon a hunga tur posishon di kuadro ku e ekipo di Arkansas i tambe e la hunga den outfield.