CARACAS, Venezuela – E ekipo di beisbòl Venezolano Leones del Caracas a anunsiá ku nan a haña konfirmashon di Diegomar Markwell pa e temporada 2013-2014 di Beisbòl Profeshonal Venezolano. Markwell ku no ta un deskonosí den beisbòl profeshonal Venezolano ta bini for di un temporada kaminda e tabata tin un efektividat di 1.19 den beisbòl Hulandes. E ekipo ya a kuminsá ku su treinen nan di pre-temporada i ta spera ku dia promé di òktober Diegomar lo hasi presensia.
Banda di esaki Leones del Caracas a haña outorisashon di Beisbòl Liga Grandi pa negosha ku algun hungadó. Entre e hungadó nan aki Leones del Caracas ta papiando ku Jair Jurrjens.