ATLANTA, Georgia – Andrelton Simmons ta sigui ku su bateo oportuno den di dos mitar di temporada. Nada mas oportuno ku e hit ku Simmons a konektá den di nuebe ining pa hiba Atlanta Braves na un viktoria di 3-2 riba Milwaukee Brewers.
Atlanta Braves ta luchando pa mantené e mihó rèkert den Liga Nashonal i asina sigurá nan bentaha komo ekipo di kas den post temporada. Den e partido di ayera Atlanta a kai 2-1 den di sinku ining. Nan ta logra empatá e partido kontra Brewers na dos kareda den di seis ining. E partido ta keda empatá na dos pa e siguiente ining nan.
Den di nuebe ining ku dos out, koredó na primera i segunda base, Simmons ta konektá un single pa center field ku ta empuha e kareda di viktoria.
Andrelton Simmons ku su 17 honron nan e temporada aki ta empatá Jeff Blauser (1997) komo e dos shortstop nan ku e konektá mas tantu honron den un temporada pa Atlanta Braves. Na aña 1964 Denis Menke tambe a hasi esaki pero e tempu ei bo di Milwaukee Braves.