PHILADELPHIA, Pennsylvania – Roger Bernadina ku a firma ku Philadelphia Phillies siman pasa despues di keda laga den libertat pa Washington Nationals ya tin 4 wega tras di lomba pa Phillies. Den e kuater partido nan aki Bernadina a logra su promé honron ku e ekipo nobo. E honron aki tabata un honron solitario den un partido ku a bai 18 ining. Roger a konektá dos hit den ocho turno na bate den e partido kontra Arizona Diamonbacks.
Den e siguiente partido Bernadina ta konektá un hit den kuater turno na bate. E hit aki tabata un doblete, empuhador di dos kareda. Banda di esaki Roger tabata tin un bon wikènt defensivo tambe ku dos atrapada espektakular.