WASHINGTON, DC – Roger Bernadina a keda laga den libertat pa e ekipo di Washington Nationals. Esaki a tuma lugá despues ku e ekipo di Nationals a atkerí outfielder David DeJesus for di Chicago Cubs. Ku e atkisishon di DeJesus, Nationals tabata tin mester di lugá riba nan roster i a disidí na laga Bernadina den libertat pa traha lugá.
Bernadina a pasa 6 aña ku e ekipo di Washington Nationals, batiendo 25 honron i empuhando 107 kareda den 468 wega. E temporada aki Bernadina tabata batiendo pa un promedio di .178 ku 44 ponche den 85 wega.