TOKIO, Hapon – Faltando 44 wega mas den e temporada di beisbòl profeshonal Hapones, Wladimir Balentien ta sigui en búskeda di e rèkert di mas honron konektá den un temporada den beisbòl hapones. Den e partido di Tokyo Yakult Swallows kontra Chunichi Dragons, Balentien a konektá su di 41 honron di temporada den bòm di 8 ining. Tabata un bataso solitario ku a hasi e skor di e partido 12-2 pa ekipo di Swallows, ku finalmente a gana ku e mes un skor aki.
Balentien falta 14 honron pa empatá e rèkert di 55 honron pone pa Sadaharu Oh na aña 1964. Den e partido di ayera Balentien a konektá 4 hit den 5 turno na bate. Esei ta pone Balentien su promedio pa e temporada aki na .331.