WINNIPEG, Canada – Manager di Winnipeg Goldeyes, Rick Forney a anunsiá ku nan a firma infielder veterano Yurendell de Caster. De Caster den pasado ya tabata forma parti di Winnipeg Goldeyes. Na komienso di temporada Yurendell a hasi petishon na e ekipo pa lag’e den libertat pa asina e por bai buska oportunidat den liga di beisbòl Mehikano.
De Caster a hunga 71 wega ku e ekipo di Monclova na Mehiko, kaminda e la bati pa un promedio di .342, ku 10 honron i 52 kareda empuha. Ku e pase aki Yurendell ta kompañá su primu i kompatriota Kurasoleño, Kevin Moesqiet riba roster di Goldeyes.