MONCLOVA, Mexico – Yurendell de Caster ta sera temporada regular pa e ekipo di Acereros del Norte ku un bon prestashon. De Caster tabata klave den e ultimo siman di wega ku a kore di 29 di yüli pa 3 di ougùstùs, yudando su ekipo avansá pa e partido di “Wild Card” en búskeda di nan pase pa playoff.
Den e siman tras di lomba, Yurendell a mehorá su promedio na .381 ku ta e mihó promedio di e ekipo. Tambe e la konektá 2 honron i empuha 10 kareda, ku e yuda Acereros gana un total di kuater partido den nan ultimo seis wega nan.