Leandro Bacuna a firma ku Aston Villa

WEST MIDLANDS, Inglatera – E ekipo di futbòl ingles Aston Villa a anunsiá ku nan a yega na un akuerdo ku FC Groningen pa e traspaso di Leandro Bacuna pa Aston Villa. Bacuna a firma un kontrakt di tres aña ku Aston Villa. E medio kampo tabata tin un kontrakt te ku medio 2015 ku FC Groningen, pero ambos ekipo a haña otro na mesa pa asina hasi e traspaso.

“E ta sinti bon. E ta un komienso nobo pa mi, un paso nobo i mi ta aspirá pa ta parti di e ekipo hóben ku tin na Villa.” Bacuna a bisa. “E ta un soño ku a bira realidat pa mi i mi mayor nan ku ta kontentu pa mi. Ta un tremendo liga pa forma parti di dje, Premier League ta, i nos ke mustra ku Aston Villa por ta den e mihó nan.”