TOKIO, Hapon – Wladimir Balentien a konektá 3 honron solitario den su ultimo 2 partido nan. E promé honron tabata den e partido entre Tokyo Yakult Swallows i Hokkaido Nippon-Ham Fighters. Den e partido aki Balentien a konektá 3 hit den 5 turno na bate, ku su ultimo hit den e partido e honron solitario. Apesar di e bon aktuashon di Wladimir e ekipo di Swallows a pèrdè e partido aki ku skor di 8-4.
Den e siguiente partido un biaha mas kontra Hokkaido Nippon-Ham Fighters, Wladimir a konektá 2 honron pa Tokyo Yakult Swallows. Balentien a haña dos turno ofisial na bate den e partido aki i a risibí tambe dos base por bola. Den e partido aki tur dos honron di Balentien tabata honron nan solitario. Un biaha mas apesar di e bon aktuashon di Wladimir, e ekipo di Swallows ta kai chikí ku skor di 10-4.
Despues di e dos partido nan aki Balentien ta pone su promedio na .300 for di kua 6 doblete, 19 honron i 43 kareda empuha.