ALBUQUERQUE, New Mexico – E ekipo di Albuquerque Isotopes a anunsiá ku nan a añadí kècher Dashenko Ricardo riba nan roster. Esaki ta debí na par di kambio ku ekipo mester a hasi en konekshon ku hungadó nan leshoná. E ekipo di Albuquerque Isotopes ta e afiliashon di Los Angeles Dodgers den tripel A. Ricardo tabata formá partí ekipo di Ogden Raptors, ku ta e afiliashon di Dodgers den Rookie League promé ku e la keda promové.
Na kuminsamentu di temporada Ricardo a forma parti di e ekipo di dòbel A Chattanooga i despues tambe ku e ekipo di klase A Great Lakes. Den 29 partido ku e dos ekipo nan aki Dashenko tabata tin un promedio di .207 for di 1 honron i 10 kareda empuha, tambe e la mata 8 di 31 koredó ku a purba roba base. Esaki lo bira Ricardo su promé aktuashon di su karera den tripel A.