ARLINGTON, Texas – E ekipo di Texas Rangers a draft 41 hungadó na tur den e draft di e aña aki. Di e 41 hungadó nan aki 26 ta hungadó nan ku ta bin for di college i 15 ta hungadó nan di high school. Sherman Lacrus ta un di e hungadó nan ku Texas a draft for di college. Lacrus a keda di draft den e di 27 rondu di e draft i e di 820 hungadó selekshoná. Sherman a wòrdu di draft for di Western Oklahoma State Junior College, e mes un skol ku Andrelton Simmons a wòrdu di draft for di dje.
Segun informashon, Lacrus tin un bon kombinashon di poder i velosidat. E velosidat ta dune oportunidat pa kubri tereno den outfield, miéntras ku su brasa ta dune oportunidat di hasi bon trabou den outfield. Sherman a wòrdu di draft komo kècher pero ta spera ku den futuro lo e ta un outfielder.