ATLANTA, Georgia – Andrelton Simmons a konekta 3 hit den 5 turno na bate pa yuda Atlanta Braves gana di Pittsburg Pirates ku skor di 5-4. Ku e partido empata na 4 kareda den bom di 10 ining ku un out i dos koredo na base, Simmons a konekta su di 3 hit di e partido. E tabata un doblete pa right field ku a soru pa e kareda di viktoria a logra krusa plato.
Simmons ta batiendo hopi bon ultimamente i ta ekstendé su racha di hit konsekutivo na 10 wega. Esaki ta e racha di hit mas largu ku Andrelton a yega di eksperencia den su karera. Tambe e ta e racha di hit di mas largu pa un miembro di Atlanta Braves e temporada aki. Simmons ta subi su promedio na .259 for di kua 10 doblete, 5 honron i 22 kareda empuha e temporada aki.
“Mi no a yega di konekta un hit di viktoria den mi bida, esaki tabata mi prome,” Simmons a bisa despues di e partido. “E tabata great, semper ma mire kresiendo, kiermen e tabata hopi impreshonante.”