ARLINGTON, Texas – Jurickson Profar despues di a bai dos dia sin konektá hit ta konektá dos hit pa yuda Texas Rangers gana di Kansas City Royals. Te den di 8 ining e partido aki tabata empatá na un kareda. Profar ta kibra e empatá aki ku un honron solitario mandando Texas Rangers ariba ku skor di 2-1. E ekipo di Rangers ta añadí un kareda mas pa asina gana ku skor di 3-1 di Kansas City Royals.
“Mi tabata purbando di yega base i yuda mi ekipo, pero ma hasi algu mihó konektá un honron,” Profar a bisa despues di e partido. “Mi ta purba di hasi mihó posibel miéntras mi ta ku Texas Rangers.”
Profar tin un promedio aktual di .294 for di kua 1 doblete, 2 honron i 6 kareda empuha.