ZEIST, Hulanda – Cor Pot, direktor tékniko di e selekshon Hulandes U-21 a anunsiá e selekshon definitivo ku lo partisipá den e Kampionato Europeo U-21. Algu mas ku dos siman pasa Pot a anunsiá e 40 hungadó nan for di kua e lo a selekshoná 23 pa e kampionato. Tantu Leroy Fer komo Jürgen Locadia a logra di ta den e selekshon definitivo. E gran ousente for di e selekshon ta Jetro Willems. Willems tambe tabata den e 40 ku a keda yama den e pre-selekshon. “Mi ta hañ’e ainda un tremendo talento,” Cor Pot a bisa. “Pero e ta varia hopi entre prestashon nan bon i otro nan ménos bon. Mi no a deskart’e ainda si no.”
E selekshon Jong Oranje ta kuminsá preparashon pa e kampionato riba 20 di mei i lo hunga un partido di fogeo di 24 di mei kontra Oustralia. Dia 28 di mei e selekshon ta biaha pa Israel kaminda nan lo entre algu mas promé ku kuminsá e kampionato riba 6 di yüni.
E selekshon ta konsistí di e siguiente hungadó nan:
Patrick van Aanholt (Vitesse)
Marco Bizot (FC Groningen)
Daley Blind (Ajax)
Jordy Clasie (Feyenoord)
Memphis Depay (PSV)
Leroy Fer (FC Twente)
Marco van Ginkel (Vitesse)
Mike van der Hoorn (FC Utrecht)
Ola John (Benfica)
Luuk de Jong (Borussia Mönchengladbach)
Florian Jozefzoon (RKC Waalwijk)
Kelvin Leerdam (Feyenoord)
Jürgen Locadia (PSV)
Adam Maher (AZ)
Nick Marsman (Go Ahead Eagles)
Bruno Martins Indi (Feyenoord)
Bram Nuytinck (Anderlecht)
Ricardo van Rhijn (Ajax)
Kevin Strootman (PSV)
Tonny Trindade de Vilhena (Feyenoord)
Stefan de Vrij (Feyenoord)
Georginio Wijnaldum (PSV)
Jeroen Zoet (RKC Waalwijk)