TOKIO, Hapon – Wladimir Balentien ta bek ku e ekipo di Tokyo Yakult Swallows. Balentien tabata ku e afiliashon di su ekipo den Liga Menor Hapones, kaminda e ta poniendo su mes den kondishon pa regresá ku su ekipo. E tabata rekuperando di e leshon ku e la sufri den e Klásiko Mundial di Beisbòl.
“Ta sinti bon pa ta bek,” Balentien a bisa. “Mi tabata ke ta aki nan for di promé dia.”
Balentien ta un piesa klave pa su ekipo. Temporada pasa Balentien tabata tin un promedio di .272 ku 31 honron i 81 kareda empuha den 106 partido ku Tokyo Yakult Swallows.