SAN DIEGO, California – Kenley Jansen tin su promé wega salba di temporada 2013. Esaki ta e promé wega salba pa Jansen for di 18 di ougùstùs 2012 kontra Atlanta Braves. Jansen a drenta den bòm di nuebe ining i tabata tin mester solamente 13 bala pa kompletá e trabou. E temporada aki Jansen a picha kuater ining i dos tèrsio. Den esaki Jansen a permití solamente dos hit, dos base por bola, poncha seis i no a permití kareda. E temporada aki Jansen a limitá su oponente nan na un averahe di .133.
Menu