SENDAI, Hapon – Andruw Jones a konektá su promé honron den beisbòl profeshonal Hapones. Den e partido aki e ekipo di Jones, Rakuten Golden Eagles a gana di Chiba Lotte Marines ku skor di 17-5. Andruw a konektá dos hit den kuater turno i empuhá tres kareda den e partido. Esaki tabata Jones su di sinku partido den beisbòl profeshonal Hapones. Aktualmente e tin un averahe di .357 i un porsentahe di yega base di .591
Ku e honron aki Andruw lo doná 50.000 yen, mas òf ménos $530 na un bon kousá. Jones a anunsiá ku kada honron ku e konektá den e kampionato di beisbòl profeshonal na Hapon e lo doná e montante menshoná na mucha nan ku a pèrdè nan mayor nan den e temblor i tsunami den 2011 na Hapon.