WILLEMSTAD – E kuart final di UEFA Champions League a kuminsá i e promé buèlta ta tras di lomba. Riba 2 di aprel tabata tin entre Paris Saint-Germain FC (Fransia) i FC Barcelona (Spaña), tambe FC Bayern München (Alemania) kontra Juventus (Italia).
E partido di Paris Saint-Germain FC (Fransia) kontra FC Barcelona (Spaña) a kaba na un empate di dos gol. Ku e empate aki FC Barcelona ta keda benefisiá ku dos gol for di kas. FC Barcelona mester di por lo mínimo un empate den nan siguiente partido pa pasa pa semi final. Miéntras ku Paris Saint-Germain FC mester di un viktoria pa sigui pa e siguiente buèlta.
Den e otro partido ku tabata tin riba 2 di aprel, FC Bayern München a gana ku skor di 2-0 di Juventus. Ku esaki Juventus mester di un viktoria ku un diferensia di 3 gol òf mas pa sigui pa e siguiente buèlta.
Su siguiente dia riba 3 di aprel tabata tin e partido entre Málaga CF (Spaña) i Borussia Dortmund (Alemania) i tambe Real Madrid CF (Spaña) kontra Galatasaray AS (Turkia). E partido di Málaga CF kontra Borussia Dortmund a tèrminá na un empate na 0. Sin embargo, e empate aki ta benefisiá Málaga CF ku mester por lo mínimo un empate di mas di un gol pa pasa pa semi final. Borussia Dortmund di otro banda mester di un viktoria pa siguí den Champions League.
Den e otro partido Real Madrid CF a golia Galatasaray AS i gana ku skor di 3-0. Real Madrid CF por pèrmití un derota den nan siguiente partido miéntras tantu ku e diferensia di gol no ta mas ku 3 gol.