Mas di 546.000 karchi bendí pa Kopa Konfederashon

ZURICH, Suisa – Kopa Konfederashon ta wòrdu konsiderá pa hopi komo e kalentamentu pa Mundial di Futbòl. E kampionato organisá pa FIFA ta wòrdu hunga un aña promé ku mundial den e pais ku lo tin mundial e siguiente aña. Ocho selekshon nashonal lo partisipá den e kopa di kua e aktual kampion mundial i e pais anfitrion, loke ta garantisá partisipashon di Spaña i Brazil.

E kopa ku lo wòrdu hunga na Brazil entre 15 di yüni pa 30 yüni lo sirbi komo práktika pa e evento grandi su siguiente aña. Segun FIFA ya nan a  bende mas di 546.000 karchi pa e kampionato aki. Ainda bo por kumpra bo karchi riba wepsait di FIFA, pero segun FIFA te ku awor ta 246.000 karchi so a sobra.