SENDAI, Hapon – Andruw Jones a anunsiá ku kada honron ku e konektá den e kampionato di beisbòl profeshonal na Hapon e lo doná 50.000 yen, mas òf ménos $530 na un bon kousá. Jones a disidí ku huntu ku Casey McGehee nan lo doná e montante menshoná na mucha nan ku a pèrdè nan mayor nan den e temblor i tsunami den 2011 na Hapon.
Te ainda Jones no a konektá ningun honron den e temporada di beisbòl Hapones. Den su último partido Jones a bai di 3-1 ku dos base por bola, un doblete i un kareda empuhá. E ekipo di Jones, Rakuten Golden Eagles ta liber mañan i nan lo reanudá e temporada dia 2 di aprel kontra Orix Buffaloes.