SARASOSTA, Florida – E ekipo di Orioles di Baltimore tabata tin un wega di práktika kaminda e ekipo a wòrdu dividí den dos i pa despues nan mes enfrentá otro. Entre e picher nan ku mester a picha den e partido aki tabata Jair Jurrjens.
Jurrjens a enfrentá 10 batido den e partido aki i e la poncha ocho, permití dos hit i bolea ningun.
Sin kompará Jurrjens su 5 2/3 ining ku e tin picha den Spring Training ya e salida aki ta unu di aploudí i si kompar’é ku su salida nan anterior e notisia ta ainda mas alentador. Den 5 2/3 ining ku Jurrjens a picha promé ku e salida aki e la permití nuebe hit, bolea seis i poncha dos batido.
“Muchu mas mihó. Mas fuerte awe. Mi ta mira mi lokalisashon ta mehorando, teniendo e bala abou. Ma sinti bon,” Jurrjens a komentá.