DULUTH, Georgia – Despues di a yega na un kontrakt di un aña ku e ekipo Hapones di beisbòl profesional Tohoku Rakuten Golden Eagles, Andruw Jones ta bende su mansion na Estádos Unídos.
Segun e anunsio riba e wepsait Realtor, Jones ta bende su mansion na Grey Moss Pass, Duluth pa $ 4.999.000,-. E anunsio ta siguí bisa ku esaki ta, “e mansion di mas grandi, mas mihó i di mas luho den Sugarloaf Country Club. E tin tur loke ku bo mester: tereno di basket den kas, left, pisina/spa, bista multimionario, kaminda pa hunga gòlf, pisina di resistensia den kas, sauna, kaha di bateo, dos kushina, tres kamber pa laba paña i tres kamber prinsipal.”
E mansion di Jones ku a wòrdu traha na 2002 tin un tamaño di 25.000 pia kuadra i tin nuebe kamber pa drumi i 15 baño.