FORT MYERS, Fla – Jair Jurrjens a hasi su di dos aparishon pa e ekipo di Baltimore Orioles i a enfrentá e ekipo di Minnesota Twins. Despues di tabata tin un bon aparishon par di dia pasa kontra Toronto, e kos nan no a bai muchu bon pa Jurrjens kontra di Minnesota.
Jurrjens a picha solamente un ining i tabata den bataya konstantemente ku kòntròl. Den e un ining aki Jurrjens a permití tres kareda, dos hit i a bolea tres. Di su 34 lansamentu nan solamente 13 tabata strike.
Segun Jurrjens, e problema nan mekániko ku e tin riba montikulo tin di aber ku e problema nan konstante ku e tin ku su rudia.
E mènedjer di Orioles, Buck Showalter a duna di konosé, “ku Jurrjens ta fayando lokalisashon di su lansamentu nan pero e bon ta ku e ta fayando abou. Lo mi a sinti diferente si e tabata fayando ariba, afó òf aden.”