WILLEMSTAD – Preparashon nan ta kontinuá pa e selekshon Hulandes ku lo partisipá den e Klásiko Mundial di Beisbòl den luna di mart próksimo. Despues ku e selekshon di Hensley Meulens a hiba un kampamentu di entrenamentu na Arizona, djamars último e selekshon a biaha pa Taiwan.
Promé ku e selekshon Hulandes hunga nan promé wega riba djasabra dos di mart kontra Korea nan lo hunga kuater partido di fogeo mas. Na momentu ku e ekipo tabata na Arizona ya nan a hunga un kantidat di seis partido di entrenamentu.
E selekshon Hulandes lo hunga na promé partido di fogeo djasabra kontra Taichung All Stars, djadumingu kontra Cuba, djamars otro siman kontra Industrial All Star i último djaweps kontra Taichung University All Stars.