E programa ganadó di premio Emmy ‘24/7’ di e kanal di televishon HBO ta regresá riba pantaya nan di kanal CNN. CNN lo transmití ripitishon di tur kuater parti di e seri 24/7 Mayweather/Cotto, kuminsando djasabra, 14 di aprel 12’or di mardugá.
Antisipando e pelea di 5 di mei na Las Vegas kaminda Floy Maywetaher i Miguel Cotto lo bataya pa e titulo di Cotto di “World Super Welterweight”, CNN lo presentá tur kuater episodio di 24/7 Mayweather/Cotto. E seri aki lo dunabo akseso total na tur loke ta pasa den e bida di e bòksdó promé ku nan subi rin. Maywetaher ta biba i lo train na Las Vegas Nevada, miéntras ku e Portorikeño Miguel Cotto lo train na Florida.
E promé episodio lo wòrdu transmití na CNN djasabra 14 di aprel 12’or di mardugá, siguiendo e transmishon di HBO ku lo ta 9:45 di anochi. E di dos i di tres episodio lo pasa na CNN riba djasabra 21 di aprel (12’or di mardugá) i su siguiente djasabra 28 di aprel (12’or di mardugá). E último episodio lo keda transmití riba djabièrnè 4 di mei 12’or di mardugá, ménos ku 24 ora promé ku e mega-pelea na Las Vegas.