E Kopa Karibense Kampion di Klup lo kuminsá djadumingu ku e wega nan di promé buèlta. Den e promé buèlta aki lo tin tres grupo for di kua e ganadó i ekipo nan di dos lugá lo pasa pa e di dos buèlta. E di dos buèlta ta tuma lugá entre promé di mei pa seis di mei.
Kòrsou tin dos ekipo den e kampionato aki. Hubentut Fortuna lo kuminsá su wega nan den e promé buèlta entre 15 di aprel pa 22 di aprel na Guyana. Hubentut Fortuna lo hunga kontra Milerock di Guyana, SV Inter Moengotapoe di Sürnam i Alpha United di Guyana.
Den e mesun fecha nan Centro Barber tambe ta hunga pero nan lo ta na Haiti. Centro Barber lo enfrentá dos ekipo di Haiti ku ainda mester wòrdu nombra i Bayamon FC di Puerto Rico.