Atlanta Braves a kaba di anusia ku den 2010, e manager di e ekipo Bobby Cox lo ta bek, huntu ku henter e coaching staff aktual. Cox a bisa ku 2010 lo ta su ultimo aña komo manager di e ekipo i ku despues di e temporada di 2010 lo e sigi komo konsultant den e front office di Atlanta Braves. Hopi no ta konsidera esaki komo un bon notisia, ya komo ku hopi ta konsidera ku Braves mester a buska un reemplazo pa Cox basta tempu pasa kaba.
Awor ta bin e bon notisia, e loke ku ta hasi kualke fanatiko di Braves pidi pa e temporada 2010 yega pa kaba. Na aña 1995 i 96 e fenomeno di liga menor Andruw Jones a gana e award di “Minor League Player of the Year Award”, otorga pa Baseball America. E aña aki Baseball America a otorga e premio aki na e outfielder Jason Heyward. Heyward ta un “5 tool” outfielder den liga menor di Braves. E aña aki Heyward a hunga den klase High A i Double A i a hunga den 93 partido i tabatin un averahe di .314, un on base percentage di .399 i slugging di .557. Si Heyward sigi asina aki e chance ta grandi ku pa mas tarda All Star Break e lo ta den liga grandi.