PANAMA – Komo parti di FDOK su preparashon pa Weganan Suramerikano di Hubentut ku lo tuma lugá na Panama den e luna di aprel 2026, nos hefe di mishon, sr. Gerard Charles a bishitá e suidat di Panama pa partisipá na e seminario di hefe di mishon.
Durante e bishita aki, a tuma e oportunidat pa hasi pregunta importante, risibí informashon relevante tokante e organishon di e Weganan, i a bishitá diferente fasilidat ku lo wòrdu uza pa e Weganan aki.
E seminario aki ta un paso importante pa asina garantisá ku nos delegashon ta bon prepará i bon informá pa e Weganan. Nos ta mira dilanti pa sigui ku e preparashon i pa sostené nos atletenan hoben riba nan kaminda pa Weganan Suramerikano di Hubentut 2026.