Softball Fastpitch a kontinuá ayera

WILLEMSTAD — Ambiente di softball fastpich a sigui zeta ayera na Frank Curiel ballpark ku 2 wega. E promé wega tabata den klase A ora ku Soto CMTC a sigui gana, e biaha aki nan a nòkout Sta. Rosa Angels Vanddis ku skor di 14 pa 4. Pa Soto CMTC 14 kareda, 13 hit i 2 eror. Picher ganador a resultá Sueni Fundador i mihó na bate tabata Sharon-Rose De la Noi di 5-4. Pa St.Rosa Angels Vanddis 4 kareda 7 hit i 2 eror, picher pèrdèdó tabata Quin-Lin Coeriel.

Den e di dos wega ku tabata bálido pa femenino AA, Vipers ta kumisa brabu i skor 4 kareda den prome inning contra Starosa Angels Vanddis, pero despues Sta. Rosa ta bin gana fásil di Vipers ku skor di 12 pa 4. Pa Sta. Rosa Angels Vanddis 12 kareda 10 hit i 1 eror, picher ganadó tabata Suheydi ”Tedy” Faneyt i na bate pa Starosa Angels Vanddis tabata Lyuska v/h Kruijs di 3-2.

Pa Vipers 4 kareda 4 hit i 1 eror, picher pèrdèdó tabata Lysandra Ursulita i na bate pa Vipers tabata Ismairy Ignacio di 3-2.

Ambiente di softball fastpich ta sigui kayente djasabra awor ku 2 wega den klase A na Frank Curiel Ballpark. Seguidamente ta sigui djadumingu ku 3 wega na Aishel Hooi ballpark aya na Bandabou for di 11 di mainta. I tambe 2 wega na Frank Curiel ballpark 13:00 i 15:00. Nos ta warda bosnan bin disfrutá di e dushi ambiente di softball e wikènt aki.