WILLEMSTAD – Futbòl Liga MCB a kontinuá ayera ku e partidó entre Jong Colombia i Undeba na Stadion Ergilio Hato. Den e promé mitar di e partido niun di dos ekipo no a logra haña e net. Na di 50 minüt Edgar Gassiani ta habri e markadó pa Undeba. E ekipo di Undeba no por a mantené e bentaha i na di 70 minüt ta permití e gol di empate. Tabata Ruchenny Felicia ku a empatá e partido pa Jong Colombia. Ku e resultado final di 1-1 e dos ekiponan aki ta kompartí e puntuashon i ambos ta bai kas ku un punto.
Liga MCB ta kontinuá mañan anochi, 18 di yüni ku e partido entre SUBT i Centro Barber na Stadion Ergilio Hato.