Resultadonan di Beisbol Profeshonal Hapones Nippon 28 di mart 2014
- Tokyo Yakult Swallow a derota Yokohama DeNA Baystars ku skor di 9-1
Wladimir Balentien a hunga right field i no a konektá hit den kuater turno na bate
- Rakuten Golden Eagles a gana Seibu Lions ku skor di 2-1
Andruw Jones tabata batido designa i a konektá un doblete den dos turno na bate ku dos base por bola
Resultadonan di Spring Training ayera:
- Boston Red Sox a deorta Minnesota Twins ku skor di 4-0
- Tampa Bay Rays a perde di Detroit Tigers ku skor di 6-3
- Miami Marlins a perde di New York Yankees ku skor di 3-0
- New York Mets a perde di Toronto Blue Jays ku skor di 5-4
- Pittsburgh Pirates a derota Philadelphia Phillies ku skor di 3-0
- Houston Astros a gana Texas Rangers ku skor di 6-5
- Kansas City Royals a gana Milwaukee Brewers ku skor di 5-4
Partidónan di Spring Training pa awe:
- Miami Marlins kontra New York Yankees
- Minnesota Twins kontra Boston Red Sox
- New York Mets kontra Toronto Blue Jays
- Pittsburgh Pirates kontra Philadelphia Phillies
- Detroit Tigers kontra Washington Nationals
- Houston Astros kontra Texas Rangers
- Kansas City Royals kontra Milwaukee Brewers
- Seattle Mariners kontra Colorado Rockies
- San Francisco Giants kontra Oakland Athletics
- Chicago Cubs kontra Arizona Diamondbacks
- Cleveland Indians kontra San Diego Padres
- Los Angeles Dodgers kontra Los Angeles Angels
Breve:
- Segun informashonnan, tin un probabilidat basta grandi ku Jonathan Schoop ta keda ku e ekipo di Baltimore Orioles despues di Spring Training. Sin embargo e informashon aki no ta konfirmá pa e kabesante nan di e ekipo. Den kaso ku Jonathan keda ku Baltimore e ekipo tin intenshon di laga e pelotero hunga segunda i tersera base te na momento ku Manny Machado regresá for di lista di hungadó leshoná. Segun manager di e ekipo, Buck Showalter, e roster di 25 lo ta kla pa djadumingu 3’or di atardi. E ekipo di Baltimore tin kuater hungadó ku nan tin ku korta ainda. Segun Showalter, e desishon no ta fásil tin hopi kos kubo tin ku wak. Tambe e manager a bisa ku bo ta pasa seis siman ku e peloteronan aki den Spring Training i ta hopi difísil pa laganan bai. No ta algu dushi pa hasi e manager a bisa pero ya ta 25 pelotero bo por keda ku ne.
- E ekipo di Los Angeles Angels a yega na un ekstenshon di kontrakt ku nan center fielder, Mike Trout. Segun informashonnan ta trata di un dil di $144,5 mion dòler pa seis aña.
- E ekipo di Detroit Tigers a anunsiá ofisialmente ku nan a yega na un ekstenshon di kontrakt ku e pelotero Miguel Cabrera. Ta trata di un ekstenshon di ocho aña pa $248 mion dòler, mas dos aña pa $44 mion dòler di e aktual kontrakt di e pelotero. Den su totalidat ta trata di un kontrakt di 10 aña pa $292 mion dòler. Ku esaki Cabrera ta bira e pelotero mihó paga den historia di beisbòl, kibrando e rèkert di Alex Rodriguez di 10 aña $275 mion dòler. Den e kaso ku Cabrera sali den e top 10 kandidatonan pa MVP na aña 2023 lo e haña dos aña adishonal di kontrakt na un balor di $60 mion dòler. Esaki lo suma den su totalidat na un kontrakt di 12 aña pa $352 mion dòler.