WILLEMSTAD – Coca Cola Cup warm up Toernooi ta kontinuá awe djabièrnè 7 di mart riba tereno di FFK.
Awe lo tin tres partido pa despues djasabra nos haña e partidonan di semifinal i djadumingu e gran final.
Partidonan pa awe djabièrnè na FFK:
7pm: Victory Boys vs Indekor.
8pm: Hubentut Fortuna vs Scherpenhuevel.
9pm: Undeba vs Vesta.
E tres ganadonan di e partidonan di djabièrnè huntu ku e ekipo ku a pèrdè ku un puntuashon mas altu ta pasa pa semifinal djasabra. E dos ganadonan di djasabra e ora ei ta pasa pa e final djadumingu. Kada partido ta dura 2 biaha 25 minüt. Den kaso ku un partido terminá den un empate lo determiná a ganadó pa medio di pinalti.
Djasabra na FFK lo bai tin e siguiente partidonan:
7pm: Semi Finalista #1 vs Miho Pèrdèdó #1
8pm Semi Finalista #2 vs Semi Finalista #3
Djadumingu 9 di mart lo tin e gran final na Stadion Ergilio Hato (SDK). Porta lo ta habrí for di 5or di atardi pa e gran final i tambe lo tin animashon di un DJ. E partido final mes ta kuminsá 6or di atardi. Tur e weganan aki ta totalmente grátis i públiko tin chèns di gana premionan atraktivo.