TOKIO, HAPON – Kirin e serbes di mas bieu na Hapon i tambe e kompania ku ta produsí e dos serbes nan mas popular na Hapon ta para propaganda kaminda Wladimir ‘Coco’ Balentien ta figura aden pendiente mas investigashon.
Esaki despues ku a bira konosí ku Balentien ta keda sospecha di dos kargo di violensia doméstiko. Serbes Kirin tabata plania pa pasa e propaganda ku Balentien aden te ku 17 di yanüari próksimo. Pero despues di e notisia di violensia doméstiko esaki a keda kanselá ayera. E kompania di serbes Kirin ta hasiendo nan propio investigashon pa asina nan verifiká e echo nan.
Na momentu ku e propaganda aki a keda lansa Deporte Awe a publiká e video di esaki. Bo por tuma nota ku ya e video no ta disponibel mas bishitando e siguiente paginá https://www.deporteawe.com/wladimir-coco-balentien-den-propaganda-pa-serbes-kirin/.