LOS ANGELES, CALIFORNIA – E pelotero yu di Kòrsou, Kenley Jasnen a opta pa drenta e proseso di abritrahe salarial. Esaki ta e promé aña ku e pelotero ta elegibel pa arbitrahe i por haña un subida di salario di $512.000 pa aproksimadamente $4.5 mion.
E siguiente paso ta tuma lugá djabièrnè próksimo ora ku Jansen sinta na mesa ku Los Angeles Dodgers pa asina interkambiá propuesta nan salarial pa un kontrato di un aña. Den kaso ku Jansen i Dogers no yega na un akuerdo salarial e kaso ta bai pa e panel di árbitro. Na su turno e panel di árbitro ta disidí e ora ei si e hungadó of e ekipo ta haña loke e la pidi, despues ku kada un defendé nan propuesta. E ultimo aki lo tuma lugá entre 1-21 di febrüari próksimo.