TOKYO, HAPON – E pelotero yu di Kòrsou, Andruw Jones ta regresá Hapon pa otro temporada. Esaki a keda konfirmá pa tantu e ekipo Rakuten Golden Eagles komo pa Andruw Jones mes. Segun fuente nan e kontrakt di Jones ku Golden Eagles ta di un aña pa ¥400 mion. Esaki ta mas of ménos $3.8 mion ku ta algu mas ku e salario di $3.6 mion ku Andruw a gana temporada pasa.
Algun siman pasa Andruw a duna di konosé ku e ta interesá na regresá Hapon bek si e haña e oportunidat. Den e temporada tras di lomba Andruw a bati pa un promedio di .243 ku 26 honron i 94 kareda empuha. Tambe e la bira kampion di beisbòl profeshonal hapones ku Golden Eagles, ganando di Yomiuri Giants den e Seri di Hapon.