MANAGUA, NICARAGUA – E temporada regular di e Liga Profeshonal di Beisbòl na Nicaragua e yega na su fin. Randall Simon a terminá e temporada regular ku un promedio di .299, 5 honron i 32 kareda empuha. Esaki ta hasi Simon kandidato prinsipal pa e premio di Silver Slugger na primera base.
Awe Randall i su ekipo di Gigantes de Rivas ta kuminsá ku e promé partido di playoff kontra Tigres de Chinandega. E ekipo ku gana e seri aki ku ta un seri mihó di sinku lo pasa pa e playoff final i lo topa e ekipo di Indios del Boer.