Kòrsou U-20 ta pèrdè su di dos partido na Trinidat

PORT AU PRINCE – E selekshon di Kòrsou U-20 ku ta na Trinidat i Tobago pa weganan di klasifikashon pa mundial U-20 di FIFA a pèrdè nan di dos partido. Tabata Trinidat i Tobago ku a duna e selekshon di Kòrsou su di dos derota den e torneo. Trinidat a bai ariba for di den promé mitar ku skor di 2-0 i a amplia esaki ku dos gol mas den di dos mitar i asina gana e partido ku skor di 4-0.

E derota aki ta bira e di dos pa e selekshon di Kòrsou ku a pèrdè djabièrnè kontra Cuba ku skor di 1-0. Mañan Kòrsou lo hunga kontra Surnam. Ainda e selekshon di Kòrsou no ta eliminá pero e situashon ta difísil. Kòrsou mester gana mañan kontra Surnam ku un diferensia di 3 of mas gol. Banda di esaki, Cuba tambe mester pèrdè ku un diferensia di 3 of mas gol di Trinidat i Tobago.