MYRTLE BEACH – Chris Garia ta un di e kuater peloteronan di Myrtle Beach Pelicans ku a keda selekshoná den e ‘Carolina League Postseason All-Star Team 2014’. E eskoho a keda hasi pa e gerente generalnan, managernan i miembronan di prensa.
Chris apesar di ta leshoná aktualmente, ta liderá e liga ku 45 base roba. Esaki tambe ta e mas tantu base roba ku un pelotero di Myrtle Beach Pelicans a logra den 16 aña di eksistensia di e ekipo. Ku solamente un temporada ku e ekipo ya kaba Chris ta na di kuater lugá den peloteronan ku a roba mas base den nan karera pa e ekipo.
Chris e temporada aki a partisipá den 101 partido i a logra un promedio di .284 ku 75 kareda anotá, 11 tripel, 7 doblete i 4 honron.