Breve Deporte Awe #48

Resultadonan di Beisbòl Profeshonal Hapones Nippon ayera:

  • Tokyo Yakult Swallows a derota Yokohama DeNA Baystars ku skor di 4-2
    Wladimir ‘Coco’ Balentien a hunga left field den e partido aki i su úniko hit den e partido tabata un honron solitario den di seis entrada. E honron aki tabata Wladimir su di tres honron pa e wikènt tras di lomba. Wladimir tin un promedio aktual di .234 ku seis honron i 11 kareda empuha.
  • Rakuten Golden Eagles a gana di Chiba Lotte Marines ku skor di 3-0
    Andruw Jones tabata batido desgina den e partido aki i a konektá un honron den tres turno na bate. Andruw tin un promedio aktual di .204 ku tres honron i ocho kareda empuha

Resultadonan di Beisbòl Liga Grandi ayera:

  • Tampa Bay Rays a pèrdè di Cincinnati Reds ku skor di 12-4
    Roger Bernadina a drenta e partido komo batido emergente i no a konektá hit den un turno na bate. Roger tin un promedio aktual di .077 den 13 turno na bate
  • Miami Marlins a pèrdè di Philadelphia Phillies ku skor di 4-3
  • Toronto Blue Jays a derota Baltimore Orioles ku skor di 11-3
    Jonathan Schoop a hunga tersera base i a konektá un doblete den kuater turno na bate. Jonathan tin un promedio aktual di .244 ku un honron i seis kareda empuha
  • Washington Nationals a pèrdè di Atlanta Braves ku skor di 10-2
    Andrelton Simmons a hunga shortstop den e partido aki i a konektá un tripel, un honron i empuha tres kareda den sinku turno na bate. Andrelton tin un promedio aktual di .306
  • Cleveland Indians a pèrdè di Chicago White Sox ku skor di 4-3
  • Kansas City Royals a pèrdè di Minnesota Twins ku skor di 4-3
  • Pittsburgh Pirates a pèrdè di Milwaukee Brewers ku skor di 4-1
  • Chicago Cubs a pèrdè di St. Louis Cardinals ku skor di 6-4
  • Houston Astros a pèrdè di Texas Rangers ku skor di 1-0
  • New York Mets a pèrdè di Los Angeles Angels ku skor di 14-2
  • Colorado Rockies a pèrdè di San Francisco Giants ku skor di 5-4
  • Detroit Tigers pèrdè di San Diego Padres ku skor di 5-1
  • Los Angeles Dodgers a derota Arizona Diamondbacks ku skor di 8-6
    Kenley Jansen ta logra su di kuater partido salba, pichando un ining kompleto, sin permití hit i ponchando dos batido. Kenley tin un efektividat aktual di 3.86. Pa Dodgers Adrian Gonzalez ta konektá honron den su di kuater partido konsekutivo
  • Oakland Athletics a gana Seattle Mariners ku skor di 3-0
  • Boston Red Sox a pèrdè di New York Yankees ku skor di 3-2
    Ivan Nova pa New York Yankees a picha shete entrada i dos tèrsio permitiendo solamente dos kareda. Carlos Beltran a konektá honron di dos kareda pa yuda Yankees den e viktoria

Partidonan di Liga Grandi pa awe:

  • Atlanta Braves kontra Philadelphia Phillies
  • Tampa Bay Rays kontra Baltimore Orioles
  • Pittsburgh Pirates kontra Cincinnati Reds
  • Washington Nationals kontra Miami Marlins
  • Seattle Mariners kontra Texas Rangers
  • St. Louis Cardinals kontra Milwaukee Brewers
  • New York Mets kontra Arizona Diamondbacks
  • Oakland Athletics kontra Los Angeles Angels
  • Colorado Rockies kontra San Diego Padres

Breve:

Liga Menor Tripel A

  • Didi Gregorius a hunga segunda base pa e ekipo di Reno Aces i a konektá un single i un doblete den sinku turno na bate ku un kareda empuha i otro anota. Didi tin un promedio aktual di .357, ku kuater doblete, un tripel, un honron i kuater kareda empuha.

Liga Menor Dòbel A

  • Curt Smith a hunga primera base pa Springfield Cardinals i a konektá un den kuater turno na bate. Curt tin un promedio aktual di .167
  • Hainley Statia a hunga shortstop i no a konektá hit den tres turno na bate pa Huntsville Stars. Hainley tin un promedio akutal di .200
  • Juan Carlos Sulbaran a picha tres ining pa Northwest Arkansas Naturals den un partido kaminda Juan Carlos a permiti un total di seis kareda. Dos kareda tabata limpi miéntras ku e otro kuaternan tabata sushi. Ku esaki Juan Carlos ta haña su promé derota di temporada i tin un rèkert di 0-1, ku un efektividat di 7.11

Liga Menor Klase A

  • Chris Garia a drenta komo batido emergente pa Myrtle Beach Pelicans i no a konektá hit den un turno na bate. Chris tin un promedio aktual di .300
  • Juremi Profar a hunga tersera base pa e ekipo di Hickory Crawdads i a konektá un hit den kuater turno na bate. Juremi tin un promedio aktual di .250 ku un honron i dos kareda empuha