Centro Dominguito i Scherpenheuvel den Gran Final di  Liga MCB Promé Divishon 2017

WILLEMSTAD — Liga MCB Promé Divishon ta yegando su Gran Final i djadumingu próksimo, 17 sèptèmber 2017, e ekipo kampion di Liga MCB Promé Divishon 2016 lo topa e ekipo supkampion di Liga MCB Promé Divishon 2016 un biaha mas! Si, asina mes…Centro Dominguito lo bolbe topa Scherpenheuvel den Stadion Antoine Maduro pa 6’or di atardi durante e Gran Final di Liga MCB Promé Divishon 2017!

Porta nan di stadion lo habri for di 4’or di atardi i pa 4:15pm lo bai tin un tremendo partido di dama entre SUBT i Vesta. Kòrda yega trempan pa evitá tráfiko.

E partido final ta inisiá 6’or i lo bai tin diferente premio atraktivo durante pousa ku animashon musikal di un DJ.

Karchinan adelantá pa Liga MCB Promé Divishon su Gran Final ta kosta fl.10,- pa adulto miéntras mucha di 6 te ku 12 aña i 60+ ta paga solamente fl.5,-. Karchinan adelantá ta optenibel entrante awe, na FFK bou di ora di ofisina.

Dia di e partido lo tin karchinan optenibel na e lokètnan di Stadion Antoine Maduro for di 10’or di mainta i e preis pa esaki nan ta fl.12.50 pa adulto miéntras mucha di 6 te ku 12 aña i 60+ ta paga solamente fl.5,-.

Un pida chikí di e trayektoria di Scherpenheuvel:

E ekipo di Scherpenheuvel a promové pa Liga MCB Promé Divishon na fin di Liga MCB Segundo Divishon 2014 derotando e ekipo di C.H. Mahuma ku e skor di 1-0 den e wega final i mas despues durante e weganan di promoshon/degradashon kontra Vesta, nan a sa di gana Vesta den tur dos wega ku skornan respektivamente di 1-0 i 2-1.

Pues den 2015 Scherpenheuvel a militá den Liga MCB Promé Divishon i a finalisá despues di e dos promé buèltanan regular na puesto nr. 8 ku 12 punto; produkto di un wega ganá, 9 empata i 8 wega perdí.

E weganan kontra Centro Dominguito ta tin e siguiente resultadonan:

26 aprel Centro Dominguito vs Scherpenheuvel 2 1 A. Bernardus (CD)
S. Bernardus (CD)
B. Roosje (SCH)
30 mei Scherpenheuvel vs Centro Dominguito 0 2 S. Isenia (CD)
S. Bernardus (CD)

Un pida chikí di e trayektoria di Centro Dominguito:

Centro Dominguito den 2015 ta tin un tremendo aña i nan a bai ‘di punta pa punta’ ku:

  • nr. 1 kampionato regular;
  • nr. 1 despues di buèlta di 6;
  • nr. 1 despues di buèlta di 4;
  • Kampion di Liga MCB promé Divishon 2015 despues di a derotá CSD Barber ku skor di 4-2.

Aña 2016:

Den e aña’ki e dos ekiponan ta tin e siguiente posishon riba e tabla di posishon despues di e buèltanan di e kampionato:

Tabla posishon Scherpenheuvel Centro Dominguito
Kampionato regular 3 1
Buèlta di 6 2 3
Buèlta di 4 1 2

Den e wega final Centro Dominguito ta vense e ekipo di Scherpenheuvel ku skor di 2-1 i ta titulá kampion di Liga MCB Promé Divishon!

E skor di e partidonan tabata lo siguiente:

11-06-16 Scherpenheuvel vs Centro Dominguito 1 0 B. Gil Guedez (SCH)
23-07-16 Centro Dominguito vs Scherpenheuvel 3 2 I. Calvenhoven (CD)
A. Bernardus (CD)
R. Winklaar (CD)
P. Martins Arestigui (SCH)
F. Hernandez (SCH)
02 okt Scherpenheuvel vs Centro Dominguito 3 0 N. Rocha Gomez (SCH)
PO-6 P. Martins Arestigui (SCH)
C. Elisa (SCH)
14 òkt. Centro Dominguito vs Scherpenheuvel 2 3 P. Martins Arestigui 3 (SCH)
PO-4 A. Bernardus 2 (CD)
06 nov. Centro Dominguito vs Scherpenheuvel 2 1 S. Isenia (CD)
Final R. Winklaar (CD)
B. Gil Guedez (SCH)


Aña 2017:

Den e aktual kampionato e resultadonan tabata lo siguiente:

21 aprel Scherpenheuvel vs Centro Dominguito 0 0
15 yüni Centro Dominguito vs Scherpenheuvel 0 0
PO-6
18 oug. Scherpenheuvel vs Centro Dominguito 0 2 D. Pauletta (CD)
A. Bernardus (CD)
PO-4 Centro Dominguito vs Scherpenheuvel 1 1 G. Alberto (CD)
S. Canobra (SCH)
10 sèpt.
FINAL
17 sèpt. Centro Dominguito vs Scherpenheuvel ? ? ?

 

Tabla posishon Scherpenheuvel Centro Dominguito
Kampionato regular 5 4
Buèlta di 6 2 1
Buèlta di 4 2 1

Resúmen:

E ekiponan a enfrentá otro na 11 okashon i Centro Dominguito a gana 5 wega, miéntras Scherpenheuvel a logra un viktoria na 3 okashon.

Den tres wega ta tin un empate.

Centro Dominguito lo bolbe titulá su mes kampion òf Scherpenheuvel lo bai kune e biaha aki??? Un yamada ta bai na hinter e pueblo di Kòrsou pa asistí na e último partido di Liga MCB Promé Divishon. Tur fanátiko di Centro Dominguito, Scherpenheuvel i fanátikonan di futbòl en general, basha bin stadion i bin mira ken lo titulá kampion di Liga MCB Promé Divishon 2017! Bin pasa un ratu ameno den kompania di bo famia i disfrutá di bo deporte preferí e deporte rei, futbòl!

Share
MAS RESIEN
Korsou ta Logra un Empate di 1 Gol ku Haiti
PORT AU PRINCE -- Nos selekshon nashonal a empatá ku Haiti na 1 gol durante nos segundo enkuentro di e di 2 buèlta di Nations League. Elson ‘Sontje’ Hooi a anotá e úniko gol di nos selekshon ku a keda dediká na nos kiper, Jarzinho Pieter ku a fayesé di forma repentino djaluna último na Haiti. [mas]
Nos Selekshon Ta Di Luto Despues Di Pèrdidá Sensibel Di Nos Portero Jarzinho Pieter
PORT AU PRINCE -- Ku doló profundo na nos kurason nos ta anunsiá fayesementu repentino di nos miembro Jarzinho Pieter, kiper di nos selekshon nashonal. Jarzinho, un hóben futbolista prometedor ku un futuro briante su dilanti a fayesé di un forma repentino durante nos estadia na Haiti [mas]
Nos Selekshon Nashonal Lo Enfrentá Haiti Dia 7 Di Sèptèmber  Den SDK, 6’or Di Atardi!
WILLEMSTAD -- Manera ya ta konosí, nos promé kompromiso durante e di 2 buèlta di Nations League lo ta kontra Haiti dia 7 di sèptèmber próksimo pa 6’or di atardi den Stadion Ergilio Hato. [mas]
Klínika Real Madrid Organisa pa Vesta
WILLEMSTAD -- Direktiva di Vesta kier informá tur coach i miembronan di deporte lo siguiente. For di awe tur coach por inskribí nan mes pa por partisipá na e klínika di Real Madrid. Despues di inskripshon 8 coach lo ser selektá pa partisipá na e klínika i 1 coach lo tin e previlegio pa bai Real Madrid. [mas]
Klínika Pa Dama; Curaçao’s Mission For Woman’s Football Tabata Un Ékstito Rotundo
WILLEMSTAD -- Djadumingu, 16 di dezèmber último SUBT den koperashon ku FFK a organisá un tremendo klínika pa damanan ku ambishon pa e deporte di futbòl di 6 pa 21 aña di edat. E klínika a karga e nòmber; ‘Curaçao’s Mission for Woman’s Football’ i a tuma lugá di 8:30am-12:30pm na Stadion Dr. Antoine Maduro (SUBT). [mas]
Korsou kontra Guadeloupe Djaluna 19 Di Novèmber Den Stadion Ergilio Hato
WILLESMTAD -- Awe den oranan di atardi nos hungadónan residensiá den eksterior a pisa suela di Kòrsou pa asina djòin nos hugandónan lokal pa kontinuá ku e preparashonnan pa e gran partido di djaluna 19 di novèmber próksimo den Stadion Ergilio Hato pa 8’or di anochi. [mas]